Խնձորի օգտակար և բուժիչ հատկանիշները բացատրվում է նրա ապաքինող հատկությամբ: Խնձորում պարունակվում են՝ C, B1, B2, P, E վիտամիններ, կարոտին, կալիում, երկաթ, մանգան, կալցիում, պեկտիններ (որոնք ընդունակ են արտանետել օրգանիզմ ներթափանցող վնասակար նյութերը, ինչպիսիք են՝ սնդիկը, մկնդեղը և այլն), շաքար, օրգանական թթու: Խնձորը նաև պարունակում է մեծ քանակությամբ միկրոտարրեր՝ կալիում, ֆոսֆոր, մագնիում, նատրիում, ծծումբ, ալյումին, բոր, երկաթ, վանադիում, յոդ, պղինձ, մոլիբդեն, նիկել, ֆտոր, քրոմ և ցինկ: Խնձորը նպաստում է ստամոքս-աղիքային տրակտի և մարսողության համակարգի աշխատանքների կարգավորմանը, մեծացնում է ախորժակը: Խնձորի կեղևը պարունակում է ֆլավոնոիդներ, մեծ քանակությամբ հակաօքսիդանտներ, կվերցետիններ, որոնք վիտամին C-ի հետ միասին կանխում են վնասակար նյութերի ներթափանցումն օրգանիզմ: