Նարինջն օժտված է բազմաթիվ բուժիչ հատկանիշներով: Այն հարուստ է վիտամիններով՝ վիտամին А, С, P, B5, B1, B6, B2. B3, K, E և այլն: Նարինջը պարունակում է միկրոտարրեր՝ կալցիում, կալիում, մագնեզիում, ֆոսֆոր, երկաթ, պղինձ, ցինկ, ճարպային թթուներ՝ հագեցած, չհագեցած, կիսահագեցած և այլն: Նարնջի հյութը պարունակում է ֆլավոնոիդներ, որոնք դրական են ազդում մարդու առողջության վրա: Նարինջն իր մեջ պարունակում է նաև ջուր, շաքար (գլյուկոզա, ֆրուկտոզա, սախարոզա), ածխաջրեր, դիետիկ մանրաթել, էներգետիկ արժեք, ճարպեր, սպիտակուցներ: Նարինջը հաճախ օգտագործում են ախորժակ գրգռելու և ավելորդ քաշից ազատվելու համար: Նարինջն օժտված է հակաօքսիդանտ և հակահամաճարակային հատկություններով, այն օրգանիզմից հեռացնում է տոկսինները և կարգավորում է նյութափոխանակությունը, ինչն էլ իր հերթին կանխում է օրգանիզմի ծերացումը և տարբեր տեսակի հիվանդությունների զարգացումը: