Նուռն աշխարհի ամենաօգտակար մրգերից մեկն: Նռան մեջ պարունակվում են վիտամիններ A, E, C, B6, B12, ցելյուլոզ, միկրոտարրեր՝ կալցիում, կալիում, մանգան, նատրի մագնիում: Նռան հյութը հանդիսանում է ուժեղ հակաօքսիդիչ, որը պարունակությունը զգալիորեն մեծ է այնպիսի հակաօքսիդիչներից, ինչպիսիք են կանաչ թեյն ու կարմիր գինին: Նռան հյութն օգնում է մի շարք հիվանդությունների կանխարգելմանն ու բուժմանը (անեմիա, անգինա և այլն), ցուցաբերում է հակամրսացության էֆեկտ, նպաստում է արյան ճնշման կարգավորմանը և այլն: Նռան կեղևահյութը կամ նռան հյութն օգտագործվում է կոկորդի ողողումների համար (անգինայի կամ ֆարինգիտի ժամանակ), բերանի խոռոչի ողողման համար (գինգիվիտի կամ ստոմատիտի ժամանակ): Դուբիլային նյութերը վերացնում են ցավերը, իսկ օրգանական թթուները վերացնում են ինֆեկցիան: Նռան կեղևը և պտուղը ունեն հյուսող հատկություն, ուստի դրանք օգտագործվում են փորլուծության, կոլիտի և էնթերոկոլիտի դեմ:
