Դեղձը պարունակում է օրգանական թթուներ՝ խնձորաթթու,գինեթթու,կիտրոնաթթու, հանքային աղեր, ինչպիսիք են կալիումը, երկաթը, ֆոսֆորը, մանգանը, պղինձը, ցինկը, սելենը և մագնիումը: Դեղձը հարուստ է վիտամիններով՝ վիտամին C, B, E, K,PP խմբի վիտամիններ, ինչպես նաև կարոտին: Դեղձն իր մեջ պարունակում է նաև պեկտիններ և եթերայուղեր: Շատ օգտակար է դեղձի կորիզը, քանի որ նրա մեջ պարունակվում է դառը նշայուղ և B17 վիտամին: Դեղձը նպաստում է մարսողությանը՝ շնորհիվ լուծվող թաղանթանյութերի բարձր պարունակության, որոնք կարգավորում են աղիների աշխատանքը, ճնշում են նեխման գործընթացներին մարսողության փուլում: Շնորհիվ կալիումի բարձր պարունակության՝ դեղձը խորհուրդ է տրվում արիթմիայի և սրտային այլ հիվանդությունների դեպքերում: Դեղձն ամրացնում է իմունային համակարգը, օրգանիզմում պայքարում է հիվանդություն հարուցող մանրէների դեմ: Դեղձի հյութը խորհուրդ է տրվում սրտի աշխատանքի խանգարման, սակավարյունության, օրգանիզմում թթվայնության պակասի և ստամոքսի ցավի դեպքերում:
